У выдавецтве «Янушкевіч» у перакладзе на беларускую мову выходзіць кніга Анджэя Сапкоўскага «Вядзьмар. Час ганьбы». Інфармацыя пра гэта з’явілася ў тэлеграм-канале выдавецтва.
«Перад абліччам вайны, якую героі кнігі называюць часам ганьбы, гонар, выбар, надзея і нават жыццё робяцца раскошай, якую немагчыма сабе дазволіць. Галоўны герой сагі Геральт з Рывіі калісьці вельмі не хацеў выбіраць, і ўсё, што яму цяпер застаецца, — выбіраць без выбару, спадзявацца, што надзея не страчаная, а рэштай жыцця плаціць за памылку нейтральнасці», — анансуюць кнігу на сайце выдавецтва.
Культавая серыя Анджэя Сапкоўскага пачала выходзіць па-беларуску ў 2019 годзе. Усяго ў ёй восем раманаў. «Вядзьмар. Час ганьбы» — чацвёрты з іх. Пераклад з польскай на беларускую мову ажыццявіла Кацярына Маціеўская, лаўрэатка прэстыжнай прэміі Карласа Шэрмана.
Замовіць кнігу можна тут. Да 25 лютага ўключна кошт складзе 49,90 злотага (40,8 беларускага рубля), пасля — 59,90 злотага (49 рублёў). Таксама да агульнай сумы неабходна дадаць кошт дастаўкі, які магчымы і ў Беларусь. Іншы варыянт — самавываз з варшаўскай крамы (адрас: Kłopotowskiego, 4).
Читайте также
