Еўразійская эканамічная камісія падоўжыла дзеянне павышаных лімітаў на ўвоз тавараў з-за мяжы для асабістага карыстання. Пра гэта паведаміла на брыфінгу прадстаўніца камісіі Ія Малкіна. Гаворка пра паштовыя адпраўленні і наземны транспарт. Раней ЕЭК ужо працягвала дзеянне павышаных бяспошлінных лімітаў на замежныя тавары, Беларусь прытрымлівалася гэтама рашэння.
Да 1 кастрычніка 2023 года будуць дзейнічаць цяперашнія ліміты бяспошліннага ўвозу тавараў з-за мяжы. Так, «столь» на адну пасылку з-за мяжы складае 1000 еўра і 31 кілаграм на адну бандэроль. Такія ж абмежаванні і на правоз тавараў наземным транспартам для асабістага карыстання.
Гэтыя ліміты ўвялі ў красавіку 2022 года на ўзроўні краін ЕАЭС, іх усталявалі да 1 кастрычніка, а потым працягнулі яшчэ на паўгода — да 1 красавіка 2023 года. Беларусь таксама прымяняла гэтыя нормы на сваёй тэрыторыі.
Цяпер дзеянне лімітаў падоўжылі чарговы раз.
