Памёр афіцэр мінскага АМАП ГУУС Сяргей Кісель — да 50-годдзя ён не дажыў літаральна тры дні. Пра гэта паведамілі ў Асацыяцыі ветэранаў спецназа МУС «Гонар», звярнуў увагу MAYDAY.TEAM.
Пра смерць Сяргея Кісяля афіцыйна стала вядома 15 сакавіка. Як пішуць праваабаронцы, пра гэта спачатку паведамілі яго калегі з міліцыі Бабруйска, дзе сілавік быў прапісаны.
Прычынай гібелі называюць няшчасны выпадак, аднак падрабязнасці невядомыя.
Кісель служыў у трэцяй асобнай Чырванасцяжнай брыгадзе спецназа (в/ч 3214), якая размешчаная на праспекце Незалежнасці (мікрараён Уручча) у сталіцы. 19 сакавіка афіцэра пахавалі ў роднай вёсцы Казулічы Кіраўскага раёна на Магілёўшчыне.