Аляксандр Лукашэнка падпісаў указы пра прысваенне генеральскіх званняў. Пра гэта паведамляе ягоная прэс-служба.
Чарговае спецыяльнае званне генерал-маёра міліцыі прысвоенае палкоўніку міліцыі Андрэю Паршыну.
Палкоўнікам Уладзіміру Беламу, Сяргею Лагадзюку і Валерыю Равенку прысвоеныя чарговыя вайсковыя званні генерал-маёра.
У 2022 годзе Андрэй Паршын прастрэліў нагу падлетку. Відавочцы паведамлялі, што ля свайго дома Паршын паспрабаваў разагнаць некалькіх падлеткаў, пачалася бойка, ён «аказаўся на зямлі», а пасля стрэліў 16-гадоваму хлопцу ў нагу. Таго забрала хуткая. Праўладны тэлеграм-канал пацвердзіў, што да страляніны датычны Андрэй Паршын. Там ва ўсім абвінавацілі падлеткаў, якія напалі на былога кіраўніка ГУБАЗіК.
